Ўзбекистон Республикаси Фанлар Академияси
М.Т. Ўрозбоев номидаги Механика ва иншоотлар
сейсмик мустаҳкамлиги институти

Ўзбекистон Республикаси Фанлар Академияси
М.Т. Ўрозбоев номидаги Механика ва иншоотлар
сейсмик мустаҳкамлиги институти

Султанов Карим Султанович

ЎзР ФА М.Т. Ўрозбоев номидаги Механика ва иншоотлар сейсмик мустаҳкамлиги институти директори (2021-йилдан ҳозирги вақтгача).

Физика-математика фанларидоктори, профессор. Деформацияланувчан қаттиқ жисм механикаси, ер ости иншоотларининг сейсмик мустахкамлиги, грунтлар динамикаси, иплар механикаси соҳаларида илмий фаолият олиб бораётган олим.

Султанов Карим Султанович Тошкент политехника институтини (1971) ва Тошкент давлат университетини тамомлаган (1986). Ихтисослиги инженер - механик ва математик. 1971 йилдан бошлаб ЎзР ФА Механика ва иншоотлар сейсмик мустахкамлиги институтида ишлайди. Номзодлик диссертациясини (1977) ва докторлик диссертациясини (1992) 01.02.04 – «Деформацияланувчан қаттиқ жисм механикаси» ихтисослиги бўйича М.В. Ломоносов номли Москва давлат университетида ёқлаган.

Унинг илмий ишлари натижалари 2 та монографияда, 300 дан ортиқ илмий мақолаларда, улардан 130 таси илмий журналларда, шундан 40 таси нуфузли чет эл илмий журналларида, 90 дан ортиқ мақолалар илмий тўпламларда, симпозиумлар, халқаро ва республика конференциялари материалларида нашр қилинган. Унинг илмий рахбарлиги остида 5 та докторлик ва 11 та номзодлик диссертациялари ёқланган.


Худайкулиев Ражаббай Рузматович

ЎзР ФА М.Т. Ўрозбоев номидаги Механика ва иншоотлар сейсмик мустаҳкамлиги институти илмий ишлар бўйича директор ўринбосари (2021-йилдан ҳозирги вақтгача).

Техника фанлари номзоди, катта илмий ходим. Қишлоқ хўжалиги машинасозлиги сохаси олими.

1963 йил 10 декабрда Хоразм вилояти Кўш-кўпир туманида туғилган. 1983 йилда Қўқон автомабил йўллари техникумини имтиёзли диплом билан томомлаган. 1990 йилда Тошкент машинасозлик институтини тамомлагач, ЎзР ФА М.Т.Ўразбаев номидаги Механика ва иншоотлар сейсмик мустахкамлиги инситутида мухандис лавозимида иш бошлаган. Кейинчалик кичик илмий ходим, катта илмий ходим, институт Бош мухандиси, умумий ва иқтисод ишлари бўйича директор ўринбосари ва лаборатория мудири лавозимларида ишлаган.

90 дан ортиқилмийишлар, шу жумладан 2 та монография, 10 дан ортиқихтиро патенти ва фойдали моделлармуаллифи. Инновацион ишланмалар ярмаркаларининг турли босқичларида саноат ва қишлоқ хўжалиги машиналари йўналишларида фахирли ўринларни қўлга киритган. У бевосита иштирок этган илмий ишланмаларнинг 11 таси амалиётга жорий қилинган.


Исмоилова Сабида Исроиловна

ЎзР ФА М.Т. Ўрозбоев номидаги Механика ва иншоотлар сейсмик мустаҳкамлиги институти илмий котиби (2014-йилдан ҳозирги вақтгача).

Техника фанлари доктори. Тўқимачилик ипларининг механик хусусиятларини ўрганиш, уларнинг технологик жараёнларда ўзгариш чегараларини аниқлаш ва тадбиқ қилиш ҳамда ипларнинг мустаҳкамлигини аниқлашнинг илмий асосларини яратиш соҳасидаги олим.

1973-йил 11-майда Тожикистон Республикаси Хўжанд вилоятида туғилган. Тошкент тўқимачилик ва енгил саноат институтини 1995-йилда томомлаган. Тошкент тўқимачилик ва енгил саноат институти лаборанти, катта лобаранти, ЎзР Вазирлар Маҳкамаси ҳузуридаги Олий аттестация комиссияси Физика-математика, техника ва Ер ҳақидаги фанлар бўлинмаси етакчи мутахассиси, бош мутахассиси, илмий экспертиза бўлими бош мутахассиси, ЎзР ФА Механика ва иншоотлар сейсмик мустаҳкамлиги институти катта илмий ходим лавозимларида ишлаган.

60 дан ортиқ илмий ишлар, шу жумладан 1 та монография ва 2 та дастурий маҳсулотлар муаллифи.